Opningstider 2023
1.april - 10.april påska 2023 - sjå program Påska 2023 - Juvasshytta
28.april - 2.mai - toppturhelg
16.mai - 21.mai
Sesongåpning 26. mai - ope kvar dag fram til 17.september med daglege turar til Galdhøpiggen
Du bookar sjølv overnatting via linken øverst på sida.
Ynskjer du gåvekort til julegåve, bryllupsgåve, konfirmant eller andre anledningar send oss ein mail med ønska sum eller type rom og det du måtte ynskje i tillegg så ordnar me det. post@juvasshytta.no
Juvasshytta er Noregs høgstliggjande fjellstugu.
Vi er næraste utgangspunkt for bestigning av Galdhøpiggen.
"Han har os vist, han har kraft og mod,
selv om det gjelder hans liv og blod.
Kom op og se, hvad han Knut har gjort,
Du vil forstaa, det er skjønt og stort.'
All booking må skje via web-bookinga vår. Både når det kjem til overnatting og turar til Galdhøpiggen.
Til deg som kjem på besøk vil me berre si kjære gjest og turdeltakar.
Vi vil gjere vårt beste for at nett du skal få ei så god og trygg oppleving som mogleg.
Det er kunnskapsrike, trivelege, serviceinnstilte og trygge breførarar/guidar i arbeid.
Alle har relevant utdanning for turen. Ein del er særs erfarne, andre er i ferd med å få erfaring.
Vær, føre og forhold undervegs kan vi aldri forutsi lang tid på førehand.
Me har det utstyret og den kompetansa som er naudsynt for ein trygg og gjenomførbar tur. Nokon gonger tvingar naturen og forholda oss til å leggje om ruta, snu eller på andre måtar leggje til rette.
Du som gjest må og ta ansvar. Rett personleg utstyr for alle typar vær og føreforhold. På Juvasshytta leiger vi ut fjellsko, så du treng ikkje kjøpe nye fjellsko, berre for denne eine turen. Manglar du klede, sekk eller liknande som du ikkje treng seinare kan eg anbefale deg å gå inn på https://www.naturopplevingar.no/ som leiger ut det meste du treng av fjellutstyr. Her treng du ikkje å kjøpe nytt utstyr. Dei ligg sentralt til i Lom sentrum, og du bookar lett via nettsida.
For at naturen og fjella skal forbli vår attraksjon må alle som ferdast ta ansvar. Alt vi tek med oss på turen skal vera med heim att. Det er ikkje toalett undervegs på turen. Eventuelt papir som nyttast må brennast eller takast med heim.
Har du med deg hund så prøv å gå litt utanfor stigen når denne må gjere frå seg. Vi ynskjer ikkje bruk av plastpose til avføringa, brukar du dette må du leggje posen på sekken med ein gong.
I Lom og Bøverdalen er vi opptatt av berekraftige mål og ynskjer at framtidige gjester og generasjonar skal oppleva nasjonalparkar og friluftsområder slik vi får.
Viktigaste av alt, kos deg på tur! Nyt kropp og hovud i krevjande, majestetiske og vakre omgjevnader.
Rydd etter deg- det er så enkelt!
På kjøkenet legg me vekt på norske rådvarar, både grønnsakar, kjøtt og fisk. I distriktet har vi mange gode matprodusentar. Vi bakar og alt brød til frukost på huset.
Familien Vole ynskjer deg velkomen til fjells!
Buss til fjells, sjå rutetabell her:https://innlandstrafikk.no/reg...
